Бэс ыйын 21 күнүгэр саха интеллигенциятын чаҕылхай бэрэстэбиитэлэ, биллиилээх ученай-литературовед, фольклорист, талааннаах суруйааччы, тылбаасчыт, педагог, общественнай деятель Георгий Романович Кардашевскай 110 сааһыгар анаммыт ахтыытын киэһээтэ буолан ааста.
Г.Р.Кардашевскай ыам ыйын 5 күнүгэр Үөһээ-Бүлүү улууһун Балаҕаннаах нэһилиэгин Хампачаан диэн кыракый алааһыгар төрөөбүтэ. Төрөппүт аҕата Жендринскэй Давид Егорович (Саанньа) олоцхоһут. Оһуохайдьыт талааннаах этэ. Евдокия Егоровна төрөппүт ийэтэ, ииппит аҕата Роман Кардашевскай.
1928-1930с.с. Үөһээ-Бүлүү начальнай оскуолатын, онтон 7кылаастаах Үөһээ-Бүлүүтээҕи колхоз эдэр ыччатын оскуолатын бүтэрбитэ. Салгыы 1934-1937с.с. Дьокуускайдааҕы педагогическай техникумҥа үөрэнэр. Оскуолаҕа. техникумҥа үөрэнэр сылларыттан айар дьоҕура биллэн-көстөн барар. Бастакы хоһооннорун “Дьаркай” диэн аатынан илии баттыыр.
Техникумы бүтэрээт, хоту Усуйаана оройуонугар Казачье оскуолатыгар 3 сыл учууталынан. директорынан үлэлиир.
Сэрии уонна сэрии кэнниттэн сылларга Бүлүү, Үөһээ-Бүлүү, Сунтаар оройуоннарыгар үөрэх систематыгар, Үөрэх министерствотыгар үлэлээбитэ.
1959сылтан – 1971 сылга дылы Саха Государственнай Университетыгар саха литературатын кафедратыгар преподавателинэн үлэлээн, саха ыччата үөрэхтэнэригэр бэйэтин билиитин анаабыта, күүһүн-сыратын биэрбитэ.
Ойоҕо Калиста Семеновна, төрөппүт оҕолоро Ефросинья, Елена, Валентина, Альбина уонна Галина, ыалдьыттыы кэльбит кыргыттарыгара Кардашевская Галина Григьоревна, Кардашевская Альбина Григьоревна.
