Сэбиэскэй оҕолор Пионерия диэн үтүөкэн дойдулаахтар. Ол дойду территорията – биһиги киэҥ унаар Ийэ дойдубут бүтүннүүтэ. Онно олорооччулар Владимир Ильич Ленин аатынан Бүтүн Сойуустааҕы пионерскай тэрилтэҕэ түмсэллэр. Кинилэр ахсааннара 20 мөлүйүөн.
Эн пионерга киирэргэр үөрүүлээх мэктиэ тылы ис сүрэххиттэн долгуйан биэрбиккин, олоҕуҥ устатын тухары ол андаҕаргын хаһан да кэһиэ суох буолбуккун өйдүүгүн. Ол иһин, бастатан туран, үөрэххэ, общественнай үлэҕэ дьаныардаах, дьулуурдаах буоларга дьулуһаҕын. Табаарыстаргар, дьиэҕэр-уоккар, ханна барытыгар эйэҕэс, кыһамньылаах буола улаатаҕын. Быһатын эттэххэ, Сэбиэскэй Ийэ дойдуҥ дьоһуннаах гражданина, учугэй киһи, коммунизмы тутааччы буоларга бэлэмнэнэҕин.
20 мөлүйүөн советскай пионердар бука бары итинник үтүө сыаллаахтар, кэрэ ыралаахтар. Бу халыҥ армия кэккэтигэр биһиги ус орденнаах Сахабыт сирин эдэр ленинецтэрэ эмиэ киирэллэр.
Иьит эрэ, эн бу историяны! Эһэҥ,эбэҥ, аҕаҥ, ийэҥ, убайыҥ, эдьиийиҥ тустарынан кэпсээни. Иһит, төрөөбүт республикаҥ пионерскай тэрилтэтэ хайдах үөскээн, үүнэн-сайдан испитин.
Эн дьоллооххун. Ол иһин, бүгүҥҥү курдук, дьон мэлдьи байылыаттык-тоттук, дьоллоохтук олорбуттара буолуо дии саныыгын?
Суох, мэлдьи бүгүҥҥү курдук, үрүҥ күн киһиэхэ барытыгар күлүмүрдүү тыкпат буолара. Баҕалаах бары үөрэхтэммит, үлэһит бары тот сылдьыбыт буолбатах. Баара баттыгастаах уйэ диэн.
Саха дьадаҥытын, кумалаанын оҕолорун дьылҕаларын туһунан суруйааччы Эрилик Эристиин “Хачыгыр” диэн кэпсээнигэр суруйбутун эн аахпытыҥ чахчы. Оҕолор төрөппуттэрин сордоох-муҥнаах олохторун эттэринэн-хааннарынан билэр, хоргуйар, аччыктыыр эрэ буолбакка, бэйэлэрэ кыра саастарыттан кумалаан буолан, баай хотонун дьаарыгар ыга баттаталлара.
Ол эрээри кыра-кыаммат дьон сырдыкка, көҥүлгэ, дьолго тардыһыыларын хайдахтаах да ыар баттал саба баттыыр кыаҕа суоҕа. Дьадаҥы үйэтин тухары баай батталын утарара, ол эрээри ол батталтан хайдах гынан төлөрүйэрин кыайан тобулбата. Арай кини олоҥхотугар, остуоруйатыгар эрэ баайа-дьадаҥыта суох, дьон бары тот, дьоллоох дойдутун туһунан сэһэргиирэ.
Саха сирин пионерскай тэрилтэтэ партийнай, комсомольсай тэрилтэлэр салалталарынан, истиҥ кыһамньыларынан, бары общественнай, хаһаайыстыбаннай тэрилтэлэр өйөбүллэринэн, бүөбэйдээһиннэринэн, ити ыарахаттары, мэһэйдэри туораталаан, иннин диэки эрдээхтик хардыылаан, ахсаан өттүнэн элбээн, тэрээһин өттүнэн бөҕөргөөн, оҕолор ортолоругар сабыдыала күнтэн күн күүһүрэн испитэ.
Эн пионер аатын сүкпүт буоллаххына – эн дьоллоох киһигин.
Итини этэн туран эһигини викторина тестка ынырабын
