Ааһан эрэр 2022 сылбыт биһиэхэ, элбэх умнуллубат тугэннэри бэлэхтээтэ. Онтон биирдэстэрэ биьиги Бала5аннаахпыт нэһилиэгэ бу сайын 30 сыллаах үбүлүөйүн бэлиэтээн ыһыах ыспыппыт. 1992 сыллаахха Нам нэһилиэгиттэн туспа баран, саамай эдэр нэьилиэк статуһун ылбыта. Ол курдук олохтоох библиотекабыт бу агыйах хонугунан 50 сааьын бэлиэтээри олорор. Ол саҕанааҕы аа5ар бала5ан 1935 сыллаахха арыллыбыта. Сэбиэдэссэйинэн Евсей Гаврильевич Табыисов буолбута. Эдэр ыччат, нэһилиэк а5ам саастаахтара күнүһүн хаһыат, кинигэ арааһын уларсан аа5ара, киэһэтин ол аахпыт кэпсээннэрин, сэһэннэрин ырытыһаллара. 1941 сыллаахха А5а дойду сэриитэ са5аламмытыгар сэбиэдэссэйбит Табыисов Е.Г. бастакы хомуурга хабыллан сэриигэ барбыта, ол курдук дойдутугар теннубэтэ5э😔, 1942 сыллаахха Ленинград уобалаһыгар кемүллүбүтэ.
1972 сыллаахха Бала5аннаах библиотеката дэриэбинэ кулуубугар кыра хоско улэтин са5алаабыта. Сэбиэдэссэйинэн Шологонова Марфа Дмитриевна анаммыта. Марфа Дмитриевна 1972 сылтан 2010 сылга диэри улэтигэр бэриниилээхтик, ис сурэ5иттэн 40 сыл кыһаллан туран улэлээбитэ. Саха Өрөспүүбүлүкэтин култууратын туйгуна, Үөһээ Булуу улууьун киин библиотекатын элбэх керуҥнээх на5араадаларынан бэлиэтэммитэ. Марфа Дмитриевна керсүө – сэмэй майгытынан, нэһилиэк дьонугар дириҥ-истиҥ ытыктабылы ылбыта. Билиҥҥи туругунан олохтоох библиотека дьаһалта дьиэтин биир хоһугар улэлиир. Ол курдук библиотека5а билиҥҥи туругунан 7568 кинигэ фондата баар. Сыл устата араас элбэх тэрээһиннэри библиотека нэьилиэк дьонугар-сэргэтигэр ыытар. Саҥа кинигэлэринэн, библиотека сыл аайы бэйэтин фондатын хаҥата турар. Инникитин Библиотека нэьилиэк историятын билиигэ, кыраайы уерэтиигэ куустээх хамсааһыны уонна элбэх улэни ыытар былааннаах.
Кэлиҥ, сылдьыҥ, билиигитин-керуугутун сайыннарыҥ – диэн эьигини кунду дьоммутун нэьилиэкпит библиотекатыгар ыҥырабыт🙌🏻
Олохтоох библиотека сэбиэдэссэйэ Туяра Андреевна Егорова.
