Сэбиэскэй кэм саҕана тигинээн-таҥынаан олорбут Дүллүкү сопхуос Далырдааҕы отделениетын биир бастыҥ тырахтарыыһа, биэс төгүл социалистическай күрэхтэһии кыайыылааҕа, аҕыс төгүл нэһилиэк дьокутаата, сулуһа суох дьоруой, үлэ таҥаралаах, хатыламмат дьылҕалаах Петр Иванович Егоров туһунан чугас дьонун, доҕотторун ахтыыларыттан таҥыллыбыт кинигэ үүнэр көлүөнэҕэ, кэнчээри ыччакка холобур быһыытынан бу кинигэ таҕыста. Бары өттүнэн дэгиттэр талааннаах киһи олоҕо, үлэтэ-хамнаһа, дьоҥҥо сыһыана кэрэ кэпсээн буолан үйэтитилиннэ.
лэн ааспыт сүбүрүнүтүөт сылларын дьон-сэргэ араастык ылынар, сырдатар уонна тойоннуур. Сүбүрүнүтүөтү түстүүр сокуоннар бу сылларга алтыһыылара, утарсыылара, бэйэ-бэйэлэрин симэлитиһиилэрэ олоҕу хайдах уларытан испиттэрин туһунан ааҕааччы уус-уран айымнньы тылынан билсиэҕэ. Кэлэн ааспыт сылларга биһиэхэ сүбүрүнүтүөт баар этэ дуо диэн ыйытыыга, ааптар, дьүрүүс быһыытынан, чопчу хоруйдары биэрэр.
Сахалар олохторугар кэлэн ааспыт сүбүрүнүтүөт өйдөбүллэригэр олоҕуран ааптар, кэнэҕэски кэскилбит туһунан бэйэтин көрүүлэрин этэр.
Сокуон курас өйдөбүллэрэ уус-уран айымнньы ирдэбиллэринэн дьүһүллэн, булчут кыһыҥҥы айылҕаҕа сырыыта кэпсээҥҥэ сатабыллаахтык аттарыллан уонна доҕуһуолланан, хайа баҕарар ааҕааччыны умсугутардыы суруллубут.
