Оҕолоор, ыам ыйын 9 күнэ – Улуу Кыайыы күнэ. Эйэлээх олох иһин сырдык тыыннарын толук уурбут, кыайыыны уһансыбыт ытык дьоммутун ахтан-санаан ааһар күммүт. Сибэкки дьөрбөтө, бэйэ оҥоһуута аккырыыкка, уруһуй биэрэн махталбытын тиэрдэр Улуу бырааһынньыкпыт. Онон эһиэхэ бүгүн Кыайыы күнүн бэлиэлэрин билиһиннэриэхпит.

Кыайыы күнүн бэлиэлэрэ

1. 9 сыыппара – 1945 сыллаахха ыам ыйын 9 күнүгэр – Аҕа дойду Улуу сэриитигэр Сэбиэскэй Сойуус Германияны хоппут күнэ.
2. Гвоздика – Флористар гвоздиканы эр дьон сибэккитэ диэн ааттыыллар. Хорсун быһыыны, кыайыыны бэлиэтиир эбит.
3. Тюльпан – киэн туттууну, дьолу-соргуну, килбиэни көрдөрөр.
4. Сөлүүт – Кыайыы бастакы сөлүүтэ 30 тэптэриилээх эбит. 1945 сыллаахха ыам ыйын 9 күнүгэр киэһэ ыппыттар. Онтон ыла Кыайыы күнүгэр сөлүүтү ытыы үгэскэ кубулуйбут.
5. Биэс салаалаах кыһыл сулус – Сэбиэскэй Аармыйа бэлиэтэ.
6. Холууп -эйэ чыычааҕа.
7. Георгиевскэй лиэнтэ – килбиэннээх быһыы, кыайыы-хотуу.
8. Үйэлээх уот – охсуһуу, кутурҕан уонна кэриэстэбил бэлиэтэ.

Биһиги оҕолорбут уруһуйдара