Саха норуота урут суруга-бичигэ, үөрэҕэ суоҕа. Онон 20 үйэ саҕаланыар диэри саха суругунан уус-уран литературата суох этэ. Ол эрээри норуот бэйэтин олорон ааспыт олоҕун, өйүн-санаатын, үөрүүтүн-хомолтотун, бастыҥ чулуу дьоннорун, о.д.а. тустарынан хайдах да уос номоҕо оҥостоныллаабат-туойбат буолуон сатаммат этэ. Ити курдук норуот талааннаахтара айбыт айымньылара көлүөнэттэн көлүөнэҕэ, үйэттэн үйэҕэ чочуллан, киһиттэн киһиэхэ бэриллэн, дьиҥнээх тылынан уус-уран айымньылар буолбуттара.
Бухатыырдар дьиҥнээх геройдуу охсуһууларын туһунан улахан эпическэй айымньылар ( героический эпос) олоҥхо диэн ааттаналлар. Саха норуотун уус-уран айымньытын саамай үрдүкү чыпчаала, ситиһиитэ – олоҥхо. Кини аан дойду норуоттарын героическай эпостарын кытта (нууччалар былиналарын, киргизтэр Манастарын, калмыктар Джангардарын, кареллар Калевалаларын, гректэр Илиадаларын уонна Одиссеяларын уо.д.а) сэргэстэһэ туруон сөп диэн чинчийээччилэр бигэргэтллэр.
Олоҥхо фантазията олус күүстээх, образтара модуннар, ойуулуур-дьуһуннуур ньымалара дьикти баайдар. Бу өттүнэн олоҥхо атын норуоттар героическай эпостарыттан уратылардаах.
Эһиги иннигитигэр, биһиги олохтоох библэтиэкэбитигэр баар кинигэлэри быыстапкалыыбыт.
