Олоҕун олуктара

23.01.1909 с. Үөһээ Бүлүү оройуонун Ороһу нэһилиэгэр төрөөбүт. Оскуоланы бүтэрэн баран Н. Г. Чернышевскай аатынан Бүлүүтээҕи педагогическэй техникумҥа киирбит.

Василий Ксенофонтович Иванов – Кустуктуурап учуутал, поэт, журналист, политрук. Бүлүү оройуонуттан Саха Сирин суруйааччыларын бастакы кэмпириэнсийэлэригэр дэлэгээтинэн талыллан кыттыбыт. 1933 с. Бүлүү оройуонун «Колхоз суола» хаһыатын эрэдээктэрэ, онтон 1937 с. — Өлүөхүмэ «Колхозтаах» хаһыатын эрэдээктэрэ.

Аҕа дойду Улуу сэриитэ саҕаламмытыгар баҕа өттүнэн фроҥҥа барбыт. Политсоставы үрдэтэр куурустарыгар үөрэммит. 1942 сыл от ыйын 1 күнүттэн 1943 сыл муус устарыгар дылы Брянскай фронт политсоставын резерватыгар баар эбит. Младшай политрук. 1943 сыл муус устарыгар сураҕа суох сүппүт. Элиста куорат таһыгар өлбүт буолуон сөп.

ГУК 11.04.1946 0887 №-дээх Бирикээһигэр, младшай политрук Иванов Василий Ксенофонтович 1942 сыл от ыйыгар сураҕа суох сүппүт диэн ыйыллыбыт.

Аатын үйэтитии

Василий Иванов — Кустуктуурап аатынан Үөһээ Бүлүү уулуссата ааттаммыт.

Тобуруокап бастакы учуутала

1922-1924 сылларга Баһылай дьонугар көмөлөһөн үөрэммэккэ олорон Бүөтүрүүскэ Тобуруокабы ааҕарга- суоттуурга эрэ үөрэппит буолбатах, хоһоон диэн тугун бастакы өйдөбүлүн биэрбит киһи буолар. Ол туһунан саха народнай поэта Петр Николаевич ахтыыларыгар элбэхтэ махтанан ааһар.