Хорсун санаалаах нарын кыыс Кустукчаана саха дьонун, сирин-дойдутун быыһыыр санааттан ыраах мүччүргэннээх айаҥҥа турунар… Кини туох дьиктини көрсөрүн, хайдах тургутуулары ааһарын бу кинигэттэн билиэххит.

Ойуулуур-дьүһүннүүр ускуустуба, иис-уус – өбүгэлэрбитин утумнаан кэлбит үгэспит. Билиэн-көрүөн баҕалаах оҕо бу кинигэттэн маһы ыллатар, хаамтарар дьоҕурдаах уустарбыт сөбүлээн туттар мастара ханныгын, саха норуота туоһу тоҕо ытыктыырын, тоҕо таҥас-сап харысхал бэлиэлэрдээх буоларын, оһуор-мандар суолталарын уонна да атыны бу кинигэттэн элбэҕи билиэҕэ.

Бу кинигэҕэ олоҥхо муҥура биллибэт киэҥ эйгэтиттэн тылы туттуу туһунан сурулунна. Киһи уйулҕатын араас хамсааһынын бэлиэтиир өйдөбүллэри олоҥхо тылынан арыйан көрдөрүү, сиэрдээх хамсаныыны ойуунан дьүһүйүү оҕолор олоҥхону үөрэтэллэригэр көмөлөөх буолуо.