БАЛАГАННАХСКАЯ СЕЛЬСКАЯ БИБЛИОТЕКА

Саамай кыра саллаат Сережа Алешков

Сережа Алешков 6 саастаах

Аҕа дойду сэриитин саамай кыра кыттааччытынан 142 гвардейскай стрелковай полк саллаата Сережа Алешков “сын полка” буолар. Кини оччолорго 6 эрэ саастааҕа. Сережа дэриэбинэтигэр фашистар саба түһэннэр, тулаайах хаалбыта. Ол кэмҥэ ойуурга хас эмэ күнү быһа муна, аччыктыы сырыттаҕына разведчиктар булбуттара уонна бэйэлэрин кытта илдьэ сылдьыбыттар.

Сережа фашистары бастакынан өйдөөн көрөн, полк хамандыырын өлөртөн быыһыыр, хорсун быһыыны оҥорор. “Бойобуой үтүөлэрин иһин” мэтээлинэн наҕараадаламмыт. Сережа улаатан баран Тульскай Суворовскай баййыаннай училищаҕа үөрэммитэ уонна юрист идэтин баһылаабыта.

Сити курдук, Аҕа дойду Улуу сэриитэ саамай ыар уонна хаан тохтуулаах этэ. 1941 с. бэс ыйын 22 күнүттэн Улуу Кыайыы күнүгэр диэри архыып докумуоннарынан 4 мөл. тахса оҕо уоттаах сэриигэ кыттыбыта. Маны таһынан, 10 мөл. тахса оҕо собуокка, фабрикаҕа улахан дьону кытта тэҥҥэ үлэлээбитэ.