Тыллаах буоламмыт тыыннаахпыт,
Саҥалаах буоламмыт Сахабыт,
Харыстыах тустаахпыт тылбытын,
Көмүскүөх кэриҥнээхпит ааппытын!
Сахалыы өс хоһооннорун төһө билэҕин? Тыл дьэрэкээн кустугун манна киирэн аах.
- Сир быйаҥнаах, киһи сатабыллаах!
- Ким доҕордоох – ол дьоллоох!
- Олорордооҕор, оҥорор ордук!
- Көтөр өҥүнэн, киһи өйүнэн!
- Киһи тыла – ох!
- Тыл баар – бараммат баай.
- Аҕыйах тыл – минньигэс, элбэх тыл – сымса!
- Тыл дьыалаттан арахсыбат.
- Тиэтэйиэҥ – алҕаһы оҥоруоҥ.
- Ыал – оох төрдө.
- Сайыҥҥы биир күн – сылы аһатар.
- Ат сүүрдэҕинэ, ыт хаалбат
- Атас туһугар – атах тостор.
- Балыктааҕар кэлэҕэй, сымыыттааҕар бүтэй.
- Биэтэк тахсыыта билиэҕэ.
- Быа синньигэһинэн быстар, быһах уһугунан тостор.
- Киһи тыла уоттааҕар абытай.
- Күөскүн эрдэттэн өрүнүмэ.
- Кыталык кынатын төбөтүгэр кыырпахтааҕар дылы.
- Кэрдиэҥ иннинэ кээмэйдээ, туттуоҥ иннинэ толкуйдаа.
- Олорор мутуккун кэрдимэ.
- Сирэйиттэн суорат салыаҥ буоллаҕа.
- Сүгэ кыайбатаҕын – сүбэ кыайар.
- Таммах уу тааһы алдьатар.
- Таҥара сэрэҕи таптыыр.
- Тыала суохха мас хамсаабат.
- Чараас иһигэр бүргэс баппат.
- Ыстаабыккын эрэнимэ – ыйыстыбыккын эрэн.
- Эрдэ турбут чыычаах тумсун соттор, хойут турбут чыычаах хараҕын хастар.
- Киһи сатабылынан, көтөр түүтүнэн!
Өс хоһоонноро өйгүн тобуларгар эгэлгэ таайбараҥнар. Төрөөбүт тылгынан хомоҕойдук саҥарар, санаабыккын сайа этэр буолуоҥ, ийэ тылгынан толкуйдуур дьоҕуруҥ, саҥарар саҥаҥ сайдан иһиэ, төрөөбүт тылыҥ баайын, кэрэтин иҥэриниэҥ.
