А.П.Алексеев хоһооннорунан таайбараҥ

Буорга үүнэр буоламмын

Буор курдук дьүһүннээхпин,

Килиэби солбуйар

Иккис Аһылык буолабын.

9 буукубаттан турар. Таайыҥ

Кини от күөҕэ, бөкүнүк

Үрүллэр шар курдук төгүрүк,

Быстаххына – кып-кыһыл,

Амсайдаххына – мип-минньигэс.

5 буукубаттан турар. Таайыҥ

Битэмииним чааһынан

Инники соҕус буолуом,

Миигин куобахчаанкурдук кэрбээтэххинэ

Муус доруобай буолуоҥ.

7 буукубаттан турар. Таайыҥ

Миигин баҕас, атастаар,

Эндэппэккэ билэҕит,

Элбэх, элбэх ырбаахылаахпын да,

Биирэ да тимэҕэ суох.

9 буукубаттан турар. Таайыҥ

Мин ханна да,

Хаһан да, кими да

Атаҕастаабаппын.

Ол эрээри миигин көрдүлэр да,

Улаханныын-кыралыын ытаһаллар.

4 буукубаттан турар. Таайыҥ

Сайын оҕуруокка

От күөхтэр, сибиэһэйдэр,

Кыһынын иһиккэ

Тууһанан ууруллаллар.

6 буукубаттан турар. Таайыҥ

Дьиэтээҕи майаныас

Биһиэхэ наада: 1 устуука буспут сымыыт уоһаҕа, 1 кыра ньуоска хартыыһа, кыра ньуоска аҥаара туус, мэлиллибит хара биэрэс, 100 кыр. убаҕас иэдьэгэй

Сымыыт уоһаҕын хартыыһаны кытта булкуйабыт. Салгыы иэдьэгэйи эбэбит, биир маасса буолуор диэри кичэйэн мэһийэбит. Ол кэннэ кыратык туустуубут, тумалыыбыт. Бу курдук судургутук олус минньигэс дьиэтээҕи майаныас бэлэм.

Минньигэстик аһаа рубрикаттан быһа тардыы.